Bestuur die voedseltekorte

Bevat jou voedsel alles wat jou liggaam nodig het?

Die probleem van moderne vars produkte

Het jy geweet dat selfs gesonde voedsel soos vars groente en vrugte, waarskynlik hoogstens 13% van die vitamines en minerale bevat wat dit in die natuur veronderstel is om te bevat? Hierdie ernstige tekorte word vererger deur die feit dat die delikate natuurlike balans wat opneembaarheid en benutting help verseker, veral van minerale, radikaal versteur is in kommersieel-gekweekte vars produkte.

Dit laat jou met drie keuses:

1. Eet net wat beskikbaar is en aanvaar en hanteer die gevolge.
2. Gaan woon op ‘n eiland wat vry is van besoedeling en enige vorm van ontwikkeling, eet dan slegs vrugte en groente wat natuurlik groei en ryp gepluk en ge-oes word. (Laat my weet waar, ek wil by jou aansluit!)
3. Versterk jou dieet met ‘n gebalanseerde kombinasie van goeie gehalte aanvullers wat kompenseer vir die verarming van die voedsel wat in die handel beskikbaar is.

Maak sinvolle keuses

Rus jouself toe met genoeg inligting om jou in staat te stel om sinvolle keuses te maak.

Die wetenskap van mikrovoeding het in die afgelope aantal jare geweldig vooruitgegaan. Opspraakwekkende tegnologiese deurbrake is gemaak, waarvan die omvang nog steeds relatief onbekend is in die konvensionele gesondheidsbedryf.

Die mees opspraakwekkende hiervan, in 1989, maak wêreldwyd opslae.

Die groot farmaseutiese maatskappye het probeer om die deurbraak in die hof as onwaar te bewys. Hulle het drie jaar later bloedneus en 3 miljoen VSDollars armer uit die stryd getree. Daarna het hulle probeer om die alleenreg op die tegnologie te bekom. Dit was egter te laat. Op en wakker wetenskaplikes uit die natuurlike gesondheidsbedryf wat lank reeds op hoogte was met die deurbraak het ooreenkomste beklink met die oog daarop om “Foodstate tm,” soos dit genoem is, aan die publiek beskikbaar te stel.

Alle vitamines is dieselfde – of is hulle?

Verbruikers word dikwels verwar met uiteenlopende stellings, eise en teeneise deur bemarkers in die mededingende natuurlike gesondheidsbedryf. Al die botsende aansprake kan jou maklik op moedverloor se vlakte laat beland.

Halwe waarhede is erger as leuens. Die jongste algemene halwe waarheid is dat alle vitamines identies dieselfde is.

Dit is soos om byvoorbeeld te beweer dat alle Mercedes Benz C200 enjins identies dieselfde is. Dit is wel waar dat ‘n masjien op die onderdelerak presies dieselfde is as die een wat in die motor in die vertoonlokaal gemonteer is. Gaan jy egter daarvoor val indien ‘n verkoopsman beweer dat die een op die rak ‘n beter opsie is om te koop omdat dit baie goedkoper is as die identiese een in die motor?

Jy sal baie gou besef dat die kajuit, sitplekke, ratkas, wiele ens. nogal ‘n verskil maak.

Netso is die vitamines in tipiese aanvullers identies aan die vitamines in vrugte en groente. Al verskil is dat die vitamines wat in die aanvullers voorkom chemiese isolate is (geïsoleer van die noodsaaklike elemente wat ‘n voedselsel uitmaak, soos die enjin op die rak) terwyl dié in die plante deur die natuur molekulêr verbind is met die proteine, koolhidrate en vette wat ‘n voedselsel verteenwoordig, soos wat die enjin in die Mercedes Benz in die vertoonlokaal gekoppel is aan al die komponente wat daarvan ‘n nuttige ryding maak.

Netsoos die enjin op die rak, is die geïsoleerde vitamines op hulle eie feitlik waardeloos. Wanneer die enjin egter so gekoppel is dat dit integraal deel vorm van al die ander elemente van ‘n motor, maak dit ‘n geweldige verskil. Dieselfde beginsel geld vir mikrovoedingselemente. Hulle moet integraal deel vorm van voedselselle om nuttig te kan wees.

‘n Goeie voorbeeld is die bekende vitamine C. Wanneer dit ingeneem word deur vrugte te eet, word dit ongeveer sestien keer beter benut as in chemiese isolaatvorm. Meer nog, bykans al die isolaatvorm vitamines word na slegs twee tot vier uur in die urine uitgeskei terwyl dié wat in voedselplante voorkom van agtien tot 24 uur aktief in die liggaam bly werk.

Voedselvorm vitamines is beskikbaar maar skaars

Merkwaardige tegnologie wat die voedselplant-tipe vitamines kommersieel beskikbaar stel is vir die eerste keer tien jaar gelede bekendgestel. Hierdie nuwe 21ste eeu aanvullers word sedert die jaar 2000 kommersieel in ‘n gepatenteerde proses onder die handelsnaam van “Foodstate tm” vervaardig. Daar is geen vergelykbare alternatiewe beskikbaar nie en slegs één maatskappy besit die alleenverspreidingsreg vir Afrika, naamlik Sportron. Klik by “Kontak” en stuur ‘n e-pos vir meer inligting hieroor.

Wil jy kyk na en spog met jou mooi en betreklik goedkoop Mercedes Benz C200 rak, of verkies jy om die identiese enjin in die luukse motor te hoor en voel wanneer jy terugsit in die gemaklike sitplek en die aansitter draai?

Ja, alle vitamines is en lyk inderdaad dieselfde. Almal werk egter nie dieselfde nie. As jy gelukkig is word die chemiese isolate 5% benut en die res word vermors. Die Foodstate tm weergawe word 90% benut en maak ‘n merkbare en voelbare verskil.

Wat van die lewensnoodsaaklike Minerale?

Dieselfde geld vir minerale. Plante moet minerale uit die grond opneem en deur fotosintese molekulêr aan voedselselle verbind. Dit maak hulle biologies beskikbaar vir die liggaam.

Kalsium word byvoorbeeld in voedselvorm twaalf keer beter benut as in anorganiese vorm. (Kalsium geneem uit die grond, of uit seediere se skelette uit op enige ander bron as via fotosintese in die plant is anorganies. Prosesse soos kelering is slegs metodes wat poog om die liggaam te flous om te “dink” dat die anorganiese kalsium voedsel is. Die liggaam word egter nie so maklik geflous nie.)

Die grootste probleem met anorganiese kalsium is nie die lae benutting wat selde meer as 5% is nie. Die eintlike probleem kom by die onbenutte 95%. Hierdie kalsium word doelloos deur die bloed in die liggaam rondgeneem.

Die liggaam probeer sy bes om van hierdie onbenutte en nuttelose kalsium ontslae te raak. As gevolg van die onnatuurlike vorm daarvan kan dit egter ook nie behoorlik uitgeskei word nie. Die uiteinde is dat dit êrens weggegooi word. Hierdie weggooiproses vorm skadelike neerslae in die are, niere, kolon, sagte weefsel en op talle ander gevaarlike plekke.

Dit is interessant om te weet dat voedselvorm kalsium help om skadelike kalsiumneerslae in die liggaam op te los en uit te skei.

Wat van namaaksels?

Daar is etlike maatskappye wat in die afgelope paar jaar na vore gekom het met oortuigende advertensieveldtogte wat die Foodstate konsep probeer na-aap. Nadere ondersoek en wetenskaplike ontleding van hierdie aansprake lei onwillekeurig tot die gevolgtrekking dat daar ernstige tekortkominge bestaan. Dit is ook nie verbasend nie, gesien in die lig van die feit dat die Foodstate deurbraak die gevolg was van meer as 60 jaar van intensiewe navorsing en ontwikkeling.

Op die oog af lyk alles rooskleurig maar aan die einde van die dag betaal jy meer vir minderwaardige produkte of boet jy in as gevolg van swak opneembaarheid en benutting, verkeerde hoeveelheidsverhoudings en ander kortpaaie.

Goedkoop is duur koop

Hierdie ou gesegde is nie deesdae altyd waar nie, maar in die natuurlike gesondheidsbedryf geld dit steeds. Indien jy die persepsie het dat goeie gehalte aanvullers duur is, moet jy eers ‘n realistiese en objektiewe vergelyking maak. Jy sal byvoorbeeld vind dat jy elke dag bykans ‘n kruiwavol tablette van ‘n bekende aanvuller wat uit seewier gemaak word sal moet neem en steeds nie naby sal kom aan die voedingswaarde van ‘n enkele dosis van ‘n goeie gehalte aanvuller nie.

Bronne:

Foodstate
• “California District High Court”, saakverwysingsnommer #C 892 0658 SW op 8 Februarie 1993
• Prof J Vinson, Scranton Universiteit, Pennsilvanieë, meer as 50 studies

Foodstate Kalsium
• Dr Günther Blobel, Nobelprys in Fisiologie, 1999
• Dr Thomas O’Halloran, North Western Universiteit: ‘n tegniese vergelyking tussen voedsel, “Foodstate” en geïsoleerde voedingstowwe

You may also like...