AAS – Aandagafleibaarheidsindroom
Albert Einstein was een van die mees intelligente mense wat nog ooit geleef het, en hy het aan AAS gely!
Mense wat aan AAS ly is gewoonlik baie flink en intelligent. Is jou kind die volgende Einstein?
Die gebruik van medikasie vir die behandeling van AAS en die standpunt dat die toestand geneties vasgelê word kan mislei en verwar, kinders se lewens verwoes en gesinsverhoudings versteur.
Die effek van medikasie kan in die meeste gevalle vergelyk word met pogings om ‘n vuur met ‘n kombers te blus. Jy mag die rook onderdruk en die vlamme tydelik demp, maar die vuur sal aanhou smeul en weer opvlam sodra die kombers verwyder word of wegbrand.
Dit blyk dat die grootste gemeenskaplike faktor wat aanleiding gee tot AAS, ‘n tekort is aan noodsaaklike vetsure (Omega-3), vitamine B6, magnesium en sink in die dieet; indien daar ‘n oorerflike korrelasie is, dan het dit waarskynlik meer daarmee te make dat kinders leer om soos hulle ouers te eet en te leef, as met die genetiese samestelling van die individue.
Dit is noodsaaklik dat alle transmetaboliete, waarvan die hoofbron margarien is, uit die dieet van die hiperaktiewe kind onttrek moet word.¹ Kunsmatige kleur- en geurmiddels moet ook vermy word.
Die gereelde toediening van Omega-3 olies en vitamine B6, magnesium en sink (verkieslik in vrylik-opneembare voedselvorm) tesame met die nodige ko-faktore vir goeie opname, sal in die meeste gevalle die kind se liggaam in staat stel om self die probleem onder beheer te kry. Slegs in uitsonderlike gevalle waar sulke leefstylgebaseerde aanpassings nie werk nie, behoort medikasie oorweeg te word.
Jarelange waarneming van kinders met AAS het male sonder tal bevestig dat so ‘n veilige benadering in die oorgrote meerderheid van gevalle doeltreffend werk. Daar is geen newe-effekte soos wat die geval is met alle medikasie nie. Boonop leer kinders (en hul ouers) die waarde van goeie leefstylkeuses en sinvolle dieetkundige steun vir die liggaam.
¹ Prof. C. F. van der Merwe, MEDUNSA, seminaar oor AAS [Hiperaktiwiteit] by die University van die Witwatersrand, 2004: “it is imperative to withdraw all trans metabolites from the diet [of the hyperactive child.] The main source of trans acids is margarine. There is no justification for the use of margarine in any person’s diet. The latest research indicates that margarine increases serum cholesterol. It probably contributes to the high incidence of cancer in the comunity as well.”
Om AAS (Aandagafleibaarheidsindroom) te Indentifiseer
Is die volgende gedragspatrone by jou kind waarneembaar? (Die hoeveelheid en intensiteit van simptome verskil baie, maar eien die tendens)
Babas
Rusteloosheid
Eetprobleme
Koliek
Slaapprobleme
Aanhoudende gehuil
Kleuters
Gedurig aan’t beweeg
Altyd by alles betrokke en vat aan elke moontlike voorwerp
Ouer kinders
Vroetel die hele tyd of skuif gedurig voete rond
Kan nie vir lank by een aktiwiteit bepaal nie
Verloor gou belangstelling in leesstof
Abnormale dors maar normale urinering
Gebek aan konsentrasie
Woedebuie/aggressie
Ongeduld
Gou gefrustreerd
Lompheid
Slaapversteurings
Asma, hooikoors en ander respiratoriese ongesteldhede
Impulsiwiteit
Swak selfbeeld
Opdringerig
Besitlik
Ongehoorsaam
Ongeorganiseerd en morsig
Swak begrip
Swak immuniteit, allergieë, ekseem, onvolwassenheid
Gereelde gebruik van antibiotika lei na verdere probleme
Gesinslede
Ly dikwels aan allergië, hooikoors, migraine, erge PMS
Uitputting en skuldgevoelens
Indien ja, is dit moontlik dat hy / sy aan Aandagafleibaarheidsindroom (AAS) ly.
Die sleutel tot die hantering van sulke kinders is dieetkundige bestuur, dissipline en baie liefdevolle sorg.
Waar of Onwaar?
1. Persone met AAS reageer soms op sekere chemikalieë in voedsel.
2. Mense met AAS sal nooit presteer nie.
3. Vitamines en vetsure kan mense met AAS help.
4. Mense met AAS word nooit dors nie.
Het jy reg geantwoord? Kom ons kyk…
1. waar
2. onwaar
3. waar
4. onwaar
Gebed om Vrede
Here gee my vrede om dit wat ek nie kan verander nie te aanvaar, die moed om te verander wat ek kan en die wysheid om te kan onderskei.
Klik hier om ons Facebookblad te besoek
